விபத்தில் வாலிபர் பலி

சோமரசம்பேட்டை:

கரூர் மாவட்டம், காவல்காரன்பட்டி வடக்கு தெருவை சேர்ந்தவர் ரஞ்சித்குமார்(வயது 22). இவர் தனது மொபட்டில், திருச்சி மாவட்டம் சோமரசம்பேட்டையை அடுத்த அல்லித்துறை அருகே வந்தபோது முன்னால் சென்ற டிராக்டரை முந்திச்செல்ல முயன்றார். அப்போது எதிரே வந்த கார், அவர் மீது மோதியதில் நிலைதடுமாறி கீழே விழுந்தார். அப்போது பின்னால் வந்த டிராக்டர் அவர் மீது ஏறி இறங்கியது. இதில் பலத்த காயமடைந்த அவரை அக்கம் பக்கத்தினர் மீட்டு திருச்சி அரசு மருத்துவமனைக்கு சிகிச்சைக்காக கொண்டு சென்றனர். அங்கு அவரை பரிசோதித்த டாக்டர்கள், அவர் வரும் வழியிலேயே இறந்துவிட்டதாக தெரிவித்தனர். இது குறித்த புகாரின்பேரில் சோமரசம்பேட்டை போலீசார் வழக்குப்பதிவு செய்து விசாரணை நடத்தி வருகின்றனர்.