வழிப்பறி செய்த வாலிபர் கைது

மதுரை ஆனையூர் முத்து நகரை சேர்ந்தவர் பூமி (வயது 45). சம்பவத்தன்று இவர் ஆனையூர் முத்துநகர் பகுதியில் நடந்து சென்றார். அப்போது அந்த வழியாக வந்த வாலிபர் ஒருவர் அவரை வழிமறித்தார். பின்னர் அவர் கத்தியை எடுத்து பூமி கழுத்தில் வைத்து பணத்தை பறித்து கொண்டு தப்பினார். இது குறித்து அவர் கூடல்புதூர் போலீசில் புகார் அளித்தார். அந்த புகாரின் பேரில் போலீசார் வழக்குப்பதிவு செய்து விசாரணை நடத்தினர். பணம் பறித்தது தொடர்பாக ரவுடியான முத்துநகரை சேர்ந்த அருண்குமார் (22) என்பவரை கைது செய்தனர். இவர் மீது 10-க்கும் மேற்பட்ட வழக்குகள் உள்ளதாக போலீசார் தெரிவித்தனர்.