கிடாய் முட்டு போட்டி

காரியாபட்டி,

இந்திய தேசிய லீக் கட்சி மற்றும் மதுரை தெற்குவாசல் கிடாய் முட்டு நண்பர்கள் குழுவினர் சார்பில் நேற்று கிடாய் முட்டு போட்டி விருதுநகர் மாவட்டம் நரிக்குடி அருகே வீரசோழனில் தொடங்கப்பட்டது. இந்திய தேசிய லீக் கட்சி மாநில தலைவர் பசீர் அகமது போட்டியை தொடங்கி வைத்தார். மதுரை, சிவகாசி, ராமநாதபுரம், விருதுநகர், தேனி, திண்டுக்கல் உள்ளிட்ட பல்வேறு மாவட்டங்களிலிருந்து 40-க்கும் மேற்பட்ட கிடாய் ஜோடிகள் போட்டியில் பங்கேற்றன. கிடாய் முட்டு போட்டியில் பங்கேற்ற கிடாய்களை அரசு கால்நடை டாக்டர்கள் மருத்துவ பரிசோதனைக்கு பிறகு போட்டியில் பங்கேற்க அனுமதி வழங்கினர். 30 முறை முட்டிய கிடாய்களுக்கு ஏராளமான பரிசுகள் வழங்கப்பட்டன. விழாவில் இந்திய தேசிய லீக் கட்சி மாவட்ட செயலாளர் ஜஹாங்கீர், பொருளாளர் குத்தூஸ்ராஜா, வீரசோழன் ஊராட்சி மன்ற தலைவர் முகமது சாதிக் அலி உள்பட பலர் கலந்து கொண்டனர். பாதுகாப்பு ஏற்பாடுகளை திருச்சுழி துணை போலீஸ் சூப்பிரண்டு ஜெகநாதன், நரிக்குடி போலீஸ் இன்ஸ்பெக்டர் ராமநாராயணன் தலைமையில் 100-க்கும் மேற்பட்ட போலீசார் பாதுகாப்பு பணியில் ஈடுபட்டனர்.