குலசேகரன்பட்டினம் தசரா திருவிழாவை முன்னிட்டு 3 நாட்களுக்கு 35 டாஸ்மாக் கடைகள் மூடல்

குலசேகரன்பட்டினம் முத்தாரம்மன் கோவில் தசரா திருவிழாவை முன்னிட்டு வருகிற 4-ந் தேதி முதல் 6-ந் தேதி வரை 3 நாட்கள் தமிழ்நாடு மதுபான சில்லறை விற்பனை விதிகளின்படி குலசேகரன்பட்டினம் மற்றும் அதன் சுற்று வட்டார பகுதிகளில் உள்ள 35 டாஸ்மாக் கடைகள் மூடப்பட்டு இருக்க வேண்டும். அந்த நாட்களில் மதுபான விற்பனை தடை செய்யப்பட்டு உள்ளதால், மதுபானம் விற்பனை நடைபெறக் கூடாது. மதுபானம் விற்பனை, மதுபானத்தை ஓரிடத்தில் இருந்து மற்றொரு இடத்துக்கு கடத்துதல், பதுக்கி வைத்தல் போன்ற செயல்கள் கண்டறியப்பட்டால் சம்பந்தப்பட்ட நபர்கள் மீது கடுமையான குற்றவியல் நடவடிக்கை மேற்கொள்ளப்படும்.

இந்த தகவலை தூத்துக்குடி மாவட்ட கலெக்டர் செந்தில்ராஜ் தெரிவித்து உள்ளார்.