அரசு பஸ் மோதி தொழிலாளி சாவு

வாய்மேடு:

திருவாரூர் மாவட்டம் நேமம் வடக்கு தெருவை சேர்ந்தவர் ராஜேந்திரன்(வயது50). தொழிலாளி. இவர் தலைஞாயிறு அருகே ஓடாச்சேரியில் உள்ள தனது அக்காள் வீட்டுக்கு நேற்று வந்தார். ஓடாச்சேரி பெட்ரோல் பங்க் அருகே சாலையை கடக்க முயன்ற போது திருத்துறைப்பூண்டியில் இருந்து நாகையை நோக்கி சென்ற அரசு பஸ் மோதியதில் சம்பவ இடத்திலேயே ராஜேந்திரன் உயிரிழந்தார். இது குறித்து தலைஞாயிறு போலீசார் வழக்குப்பதிவு செய்து விசாரணை நடத்தி வருகின்றனர்.