ஸ்கூட்டரில் கடத்திய சாராயம் பறிமுதல்

விழுப்புரம் அருகே வளவனூர் போலீஸ் சப்-இன்ஸ்பெக்டர் அன்பழகன் தலைமையிலான போலீசார் நேற்று அங்குள்ள கடைவீதி பகுதியில் வாகன சோதனையில் ஈடுபட்டனர். அப்போது அந்த வழியாக வந்த ஒரு ஸ்கூட்டரை போலீசார் சந்தேகத்தின்பேரில் வழிமறித்து சோதனை செய்ததில் 6 பாக்கெட்டுகளில் 45 லிட்டர் சாராயம் இருந்தது கண்டுபிடிக்கப்பட்டது. விசாரணையில் அவர், வளவனூர் தொட்டியம் தோப்பு தெரு பகுதியை சேர்ந்த மோகன் (வயது 53) என்பதும், புதுச்சேரியில் இருந்து சாராய பாக்கெட்டுகளை கடத்தி வந்ததும் தெரியவந்தது. இதையடுத்து மோகனை போலீசார் கைது செய்து அவரிடமிருந்த சாராய பாக்கெட்டுகள் மற்றும் கடத்தலுக்கு பயன்படுத்தப்பட்ட ஸ்கூட்டரை பறிமுதல் செய்தனர்.