மது விற்றவர் கைது

நெல்லை அருகே சிவந்திபட்டி போலீஸ் பயிற்சி சப்-இன்ஸ்பெக்டர் முத்துசாமி மற்றும் போலீசார் நேற்று ரோந்து பணியில் ஈடுபட்டனர். அப்போது கிருஷ்ணாபுரத்தில் சந்தேகப்படும் படியாக நின்றுகொண்டு இருந்த நபரை பிடித்து விசாரணை நடத்தினர்.

விசாரணையில், அவர் மணக்கரை வடக்கூரை சேர்ந்த சங்கரன் (வயது 63) என்பதும், அவர் சட்டவிரோதமாக மது பாட்டில்கள் பதுக்கி விற்பனை செய்ய முயன்றதும் தெரியவந்தது. இதனையடுத்து போலீசார் அவர் மீது வழக்குப்பதிவு செய்து அவரை கைது செய்தனர். அவரிடம் இருந்து 14 மது பாட்டில்கள் பறிமுதல் செய்யப்பட்டன.