ஓட்டலில் மது விற்றவர் கைது

கரூர் மாவட்டம் கந்தம்பாளையத்திலிருந்து ஆலமரத்து மேடு செல்லும் சாலையில் உள்ள ஒரு ஓட்டல் கடையில் மது பாட்டில்களை வைத்து திருட்டுத்தனமாக விற்பனை செய்யப்படுவதாக வேலாயுதம்பாளையம் போலீசாருக்கு ரகசிய தகவல் கிடைத்தது. தகவலின் அடிப்படையில் போலீஸ் சப்-இன்ஸ்பெக்டர் ரெங்கராஜ் தலைமையிலான போலீசார் சம்பந்தப்பட்ட ஓட்டல் கடைக்கு சென்று சோதனை நடத்தியதில் அங்கு மது பாட்டில்களை வைத்து திருட்டுத்தனமாக விற்பனை செய்து வருவது தெரியவந்தது. அதன் அடிப்படையில் செந்தில்குமார்(வயது 47) என்பவரை கைது செய்து, அவரிடமிருந்து 5 மது பாட்டில்களை பறிமுதல் செய்து வழக்குப்பதிவு செய்து தீவிர விசாரணை நடத்தி வருகின்றனர்.