சாராயம் கடத்தியவர் கைது

வேதாரண்யம்:

வேதாரண்யம் போலீஸ் சிறப்பு சப்-இன்ஸ்பெக்டர் கண்ணதாசன் மற்றும் போலீசார் கோடியக்காடு மெயின்ரோட்டில் வாகன சோதனையில் ஈடுபட்டனர்.. அப்போது அந்த வழியாக வந்த மோட்டார் சைக்கிளை நிறுத்தி சோதனை செய்தனர். இதில் மோட்டார் சைக்கிளில் இருந்து மூட்டைகளில் புதுச்சேரி சாராயம் இருந்தது தெரிய வந்தது. பின்னர் மோட்டார் சைக்கிளில் வந்தவரிடம் விசாரணை நடத்தினர். இதில் அவர் கோடியக்காடு மெயின்ரோடு பகுதியை சேர்ந்த அவுலியாகனி (வயது38) என்பதும், இவர் காரைக்கால் பகுதியில் இருந்து மோட்டார் சைக்கிளில் சாராயம் கடத்தி வந்ததும் தெரிய வந்தது. இதுகுறித்து போலீசார் வழக்குப்பதிவு செய்து அவுலியாகனியை கைது செய்தனர். மேலும் அவரிடம் இருந்து 110 லிட்டர் சாராயத்தையும், கடத்தலுக்கு பயன்படுத்திய மோட்டார் சைக்கிளையும் பறிமுதல் செய்தனர்.