அரசு பள்ளியில் இலக்கியமன்ற விழா

சங்கராபுரம்,

சங்கராபுரம் அரசு ஆண்கள் மேல்நிலைப்பள்ளியில் தமிழ் இலக்கிய மன்ற விழா நடைபெற்றது. இதற்கு பள்ளி தலைமை ஆசிரியர் சீனுவாசன் தலைமை தாங்கினார். வட்டார கல்வி அலுவலர் அண்ணாதுரை, வட்டார வளமைய மேற்பார்வையாளர் கவிதா, உயர்நிலைப்பள்ளி தலைமை ஆசிரியர் தாட்சாயினி ஆகியோர் முன்னிலை வகித்தனர். ஆசிரியர் பயிற்றுனர் சரசு வரவேற்றார். இதில் சங்கராபுரம் வட்டாரத்தில் உள்ள நடுநிலை, உயர்நிலை, மேல்நிலைப்பள்ளிகளை சேர்ந்த மாணவ- மாணவிகளுக்கு பேச்சு போட்டி, கட்டுரை போட்டி நடத்தப்பட்டது. போட்டியில் சுமார் 160 மாணவர்கள் கலந்து கொண்டு தங்களது திறமைகளை வெளிப்படுத்தினர். நிகழ்ச்சியில் முதுகலை ஆசிரியர் முகமதுகவுஸ், கதிரவன், செந்தில்குமார், மீனாட்சி, ஆசிரியர் பயிற்றுனர்கள் மலர்கொடி, குப்புசாமி, ஸ்டாலின் மற்றும் ஆசிரியர்கள், மாணவ-மாணவிகள் கலந்துகொண்டனர்.