நூல் திறனாய்வு போட்டி

செங்கோட்டை:

செங்கோட்டை அரசு நூலகத்தில் புளியரை எஸ்.ராஜா எழுதிய 'என் நெஞ்சம் மறவா நஞ்சை காடு' என்ற நூல் திறனாய்வு செய்யப்பட்டது. இதில் 50 மாணவர்கள் கலந்து கொண்டு திறனாய்வு செய்தனர். சிறந்த திறனாய்வு செய்த 15 பேருக்கு பரிசுகள் வழங்கப்பட்டது. அரசு பெண்கள் மேல்நிலைப்பள்ளி தமிழ் ஆசிரியர் சுசீலா நடுவராக பணியாற்றி, சிறந்த திறனாய்வை தேர்வு செய்தார்.

நிகழ்ச்சிக்கு வாசகர் வட்ட பொருளாளர் பா.சுதாகர் தலைமை தாங்கினார். நூலகர் ராமசாமி வரவேற்று பேசினார். நிகழ்ச்சியில் ரோட்டரி கிளப் ஆப் தலைவர் திருவிலஞ்சி குமரன், எழுத்தாளர் இளங்குமரன், கவிஞர் தங்கராஜா தமிழ்வாணன், அரசு ஆண்கள் மேல்நிலைப்பள்ளி முன்னாள் மாணவர் சங்க தலைவர் ஜவஹர்லால் நேரு, முன்னாள் மாணவர் சங்க பொருளாளர் ஆறுமுகம் ஆகியோர் வாழ்த்தி பேசினர். நூல் ஆசிரியர் புளியரை ராஜா சிறந்த திறனாய்வு செய்தவர்களுக்கு பரிசுகள் வழங்கி பாராட்டினார். திறனாய்வில் கலந்து கொண்ட அனைவருக்கும் சான்றிதழ் வழங்கப்பட்டது.