நொய்யல் பகுதியில் பூக்கள் விலை வீழ்ச்சி

நொய்யல் சுற்று வட்டார பகுதிகளில் குண்டு மல்லி உள்ளிட்ட பல்வேறு வகையான பூக்களை விவசாயிகள் பயிர் செய்துள்ளனர். இங்குவிளையும் பூக்களை விவசாயிகள் பூக்கள் ஏல சந்தைகளுக்கு கொண்டு சென்று விற்பனை செய்து வருகின்றனர். கடந்த வாரம் நடைபெற்ற ஏலத்தில் குண்டுமல்லி கிலோ ரூ.650-க்கும், சம்பங்கி ரூ.180-க்கும், அரளி ரூ.180-க்கும், ரோஜா ரூ.260-க்கும், முல்லைப் பூ ரூ.550-க்கும், செவ்வந்திப்பூ ரூ.280-க்கும், கனகாம்பரம் ரூ.700-க்கும் விற்பனையானது. நேற்று குண்டு மல்லி கிலோ ரூ.380-க்கும், சம்பங்கி ரூ.70-க்கும், அரளி ரூ.120- க்கும், ரோஜா ரூ.200-க்கும், முல்லைப் பூ ரூ.300-க்கும், செவ்வந்திப்பூ ரூ.200- க்கும், கனகாம்பரம் ரூ.450-க்கும் விற்பனையானது.

சுபநிகழ்ச்சிகள் இல்லாததால் பூக்கள் விலை வீழ்ச்சி அடைந்துள்ளதாக வியாபாரிகள் தெரிவித்தனர்.