லாரி டிரைவர் அடித்துக்கொலை:அண்ணன் வெறிச்செயல்

ஓட்டப்பிடாரம்:

ஓட்டப்பிடாரம் அருகே சொத்துத் தகராறில் லாரி டிரைவரை அடித்துக் கொலை செய்த அண்ணனை போலீசார் கைது செய்தனர்.

இறைச்சி கடைக்காரர்

தூத்துக்குடி மாவட்டம் ஓட்டப்பிடாரம் அருகே எப்போதும்வென்றானை அடுத்த சோழபுரம் கிழக்கு தெருவைச் சேர்ந்தவர் கண்ணன். இவருடைய மனைவி ஜெயலட்சுமி. இவர்களுக்கு பொன் மாடசாமி (வயது 30), முத்துராஜ் (26), ஆனந்தராஜ் (23) ஆகிய 3 மகன்களும், பொன்கனி (28) என்ற மகளும் உண்டு.

பொன்கனி திருமணமாகி வெளியூரில் வசித்து வருகிறார். பொன்மாடசாமி திருமணமாகி உள்ளூரில் தனியாக வசித்து வருகிறார். இவர் அப்பகுதியில் ஆட்டு இறைச்சிக்கடை நடத்தி வருகிறார்.

சொத்து தகராறு

முத்துராஜ், ஆனந்தராஜ் ஆகியோர் பெற்றோருடன் வசித்தனர். முத்துராஜ் லாரி டிரைவராக வேலை செய்து வந்தார். ஆனந்தராஜ், எட்டயபுரத்தில் கடந்த ஆண்டு நடந்த கொலை வழக்கில் கைதாகி சிறையில் உள்ளார்.

முத்துராஜிக்கு மது குடிக்கம் பழக்கம் இருந்தது. அவர் அடிக்கடி தனக்கு சொத்துகளை பிரித்து தருமாறு கூறி பெற்றோரிடமும், அண்ணனிடமும் தகராறில் ஈடுபட்டு வந்தார்.

வீடு சூறை

நேற்று முன்தினம் இரவில் முத்துராஜ் மதுகுடித்து விட்டு போதையில் தனது அண்ணன் பொன் மாடசாமியின் வீட்டுக்கு சென்றார். அங்கிருந்த அண்ணியிடம், தனக்கு சொத்துகளை பிரித்து தருமாறு கூறி தகராறில் ஈடுபட்டார். மேலும் வீட்டின் கதவு, ஜன்னல் கண்ணாடிகளையும், பாத்திரங்களையும் உடைத்து சேதப்படுத்தி சூறையாடினார்.

இதனை அறிந்து வீட்டுக்கு வந்த பொன்மாடசாமி தனது தம்பி முத்துராஜை கண்டித்தார். அப்போது ஆத்திரமடைந்த அவர், உருட்டு கட்டையால் தம்பி முத்துராஜின் தலையில் பலமாக தாக்கியதாக கூறப்படுகிறது. இதில் படுகாயமடைந்த முத்துராஜ் ரத்த வெள்ளத்தில் துடிதுடித்து சம்பவ இடத்திலேயே பரிதாபமாக இறந்தார்.

கைது

இதனைப் பார்த்து அதிர்ச்சி அடைந்த அக்கம்பக்கத்தினர் எப்போதும் வென்றான் போலீசாருக்கு தகவல் தெரிவித்தனர். உடனே விளாத்திகுளம் துணை போலீஸ் சூப்பிரண்டு (பொறுப்பு) லோகேஸ்வரன், எப்போதும் வென்றான் போலீஸ் இன்ஸ்பெக்டர் (பொறுப்பு) விஜயலட்சுமி, சப்-இன்ஸ்பெக்டர் செந்தில்வேல் முருகன் மற்றும் போலீசார் சம்பவ இடத்துக்கு விரைந்து சென்று பார்வையிட்டு விசாரணை மேற்கொண்டனர்.

இறந்த முத்துராஜின் உடலைக் கைப்பற்றி பிரேத பரிசோதனைக்காக தூத்துக்குடி அரசு ஆஸ்பத்திரிக்கு அனுப்பி வைத்தனர். மேலும் இதுகுறித்து வழக்குப்பதிவு செய்து பொன்மாடசாமியை கைது செய்தனர். ஓட்டப்பிடாரம் அருகே சொத்து தகராறில் லாரி டிரைவரை அண்ணணே அடித்துக்கொலை செய்த சம்பவம் பெரும் பரபரப்பை