லாரி டிரைவர் தீக்குளித்து சாவு

நெல்லை அருகே கங்கைகொண்டான் துறையூர் ஆர்.சி.சர்ச் தெருவை சேர்ந்தவர் துரைராஜ். இவரது மகன் வர்கீஸ் (வயது 35). லாரி டிரைவர் இவருக்கு திருமணம் ஆகி மனைவி மற்றும் 2 குழந்தைகள் உள்ளனர். கடந்த சில நாட்களுக்கு முன்பு கணவன்- மனைவி பிரச்சினையால் மனைவி தனது தாய் வீட்டிற்கு சென்றுவிட்டார். இதனால் மனமுடைந்த வர்கீஸ் கடந்த 27-ந்தேதி வீட்டில் வைத்து தனது உடலில் மண்எண்ணெய்யை ஊற்றி தீ வைத்து கொண்டார். இதனையறிந்த அக்கம்பக்கத்தினர் அவரை மீட்டு நெல்லை ஐகிரவுண்டு அரசு ஆஸ்பத்திரியில் சிகிச்சைக்காக சேர்த்தனர். அங்கு சிகிச்சை பலனின்றி அவர் நேற்று முன்தினம் உயிரிழந்தார்.

இந்த சம்பவம் குறித்து கங்கைகொண்டான் போலீசார் வழக்குப்பதிவு செய்து விசாரணை நடத்தி வருகின்றனர்.