லாட்டரி சீட்டு விற்றவர் கைது

புதுப்பேட்டை,

புதுப்பேட்டை பகுதியில் பொதுமக்கள் அதிகம் கூடும் இடங்களில் தடை செய்யப்பட்ட லாட்டரி சீட்டுகள் விற்பனை செய்யப்படுவதாக புதுப்பேட்டை போலீசாருக்கு ரகசிய தகவல் கிடைத்தது. இதையடுத்து இன்ஸ்பெக்டர் நந்தகுமார் தலைமையில் போலீசார் பல்வேறு இடங்களில் திடீர் சோதனை மேற்கொண்டனர். அப்போது நெரிஞ்சிப்பேட்டை வீதியில் லாட்டரி சீட்டுகள் விற்பனை செய்துகொண்டிருந்த அதே பகுதியை சேர்ந்த லோகநாதன் மகன் சோமசுந்தரம்(வயது 26) என்பவரை கைது செய்த போலீசார் அவரிடமிருந்து லாட்டரி சீட்டுகளையும் பறிமுதல் செய்தனர்.