காதல் மனைவியுடன் சேர்ந்து வாழ மறுத்தஆட்டோ டிரைவர் மீது வழக்கு

தேனி அருகே அன்னஞ்சியை சேர்ந்த குருசாமி மகன் தமிழ்செல்வன். ஆட்டோ டிரைவர். இவரும் தேனி அண்ணாநகரை சேர்ந்த காவியா (வயது 19) என்பவரும் கடந்த 1½ ஆண்டுக்கு முன்பு காதலித்து திருமணம் செய்தனர். இவர்களுக்கு 4 மாத குழந்தை உள்ளது. இந்நிலையில், தமிழ்செல்வன், காவியாவுடன் சேர்ந்து வாழ மறுத்ததாக கூறப்படுகிறது. இதுகுறித்து தேனி அனைத்து மகளிர் போலீஸ் நிலையத்தில் காவியா புகார் செய்தார். அதன்பேரில் தமிழ்செல்வன் மீது வழக்குப்பதிவு செய்து போலீசார் விசாரணை நடத்தி வருகின்றனர்.