மதுரைவீரன் சாமி கோவில் திருவிழா

புன்னம் நடுப்பாளையத்தில் பிரசித்தி பெற்ற மதுரைவீரன் சாமி கோவில் உள்ளது. இக்கோவிலில் கருப்பண்ணசாமி, கன்னிமூல கணபதி, ஏழு கன்னிமார்கள், முருகப்பெருமான், சுயமாகத் தோன்றிய அரசு வேம்பு ஆகிய சுவாமிகள் உள்ளது. இக்கோவில் திருவிழா கடந்த 23-ந்தேதி காப்புக்கட்டுதலுடன் தொடங்கியது. தொடர்ந்து பக்தர்கள் காவிரி ஆற்றில் இருந்து புனிதநீர் எடுத்து கொண்டு ஊர்வலமாக கோவிலுக்கு வந்தனர். பின்னர் பக்தர்களுக்கு அன்னதானமும் வழங்கப்பட்டது. இரவு கண்ணிமூல கணபதிக்கு மாவிளக்கு பூஜையும், ஏழு கன்னிமார், முருகன், அரசு வேம்பு தெய்வங்களுக்கு 6 கால பூஜையும் நடைபெற்றது. நேற்று முன்தினம் கிடா வெட்டு பூஜை, பொங்கல் வைத்தல், வாணவேடிக்கை நடந்தது. நேற்று சுவாமிகளுக்கு சிறப்பு அபிஷேகம் மற்றும் அலங்காரத்துடன் தீபாராதனை நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர்.