ஆண் பிணம்

சுரண்டை:

சேர்ந்தமரம் அருகே நடுவக்குறிச்சி கிராமத்தின் தென்பகுதியில் 40 வயது மதிக்கத்தக்க ஆண் பிணம் கிடப்பதாக நடுவக்குறிச்சி கிராம நிர்வாக அலுவலர் பவானிக்கு தகவல் கிடைத்தது. இதையடுத்து அவர் சேர்ந்தமரம் போலீசுக்கு தகவல் தெரிவித்தார். இதைத்தொடர்ந்து சேர்ந்தமரம் சப்-இன்ஸ்பெக்டர் வேல்பாண்டியன் தலைமையில் போலீசார் சம்பவ இடத்திற்கு விரைந்து வந்து உடலை கைப்பற்றி சங்கரன்கோவில் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். அவர் யார்? எப்படி இறந்தார்? சாவுக்கான காரணம் என்ன? என்பது பற்றி போலீசார் விசாரணை செய்து வருகின்றனர்.