வெள்ளாற்றில் அழுகிய நிலையில் ஆண் பிணம்

திட்டக்குடி,

கடலூர் மாவட்டம், திட்டக்குடி வெள்ளாற்றில் 50 வயதுடைய ஆண் ஒருவர் அழுகிய நிலையில் பிணமாக கிடந்தார். இதுபற்றி தகவல் அறிந்த திட்டக்குடி போலீசார் நேரில் சென்று, இறந்தவரின் உடலை கைப்பற்றி பிரேத பரிசோதனைக்காக திட்டக்குடி அரசு ஆஸ்பத்திரிக்கு அனுப்பி வைத்தனர். விசாரணையில், இறந்து கிடந்தவர் திட்டக்குடி வசிஷ்டபுரம் பகுதியை சேர்ந்த பெருமாள் மகன் கண்ணன் (வயது 49) என்பதும், கடந்த 15-ந்தேதி வீட்டை விட்டு வெளியே சென்றவர், மீண்டும் வீடு திரும்பாமல் இருந்த நிலையில், ஆற்றில் பிணமாக மீட்கப்பட்டது தெரியவந்தது. இதுகுறித்த புகாரின் பேரில் போலீசார் வழக்குப்பதிவு செய்து, கண்ணன் இறப்புக்கான காரணம் குறித்து விசாரித்து வருகின்றனர்.