கொடைரோடு அருகே ரெயிலில் அடிபட்டு ஒருவர் பலி

கொடைரோடு- அம்பாத்துரை ரெயில் நிலையங்களுக்கு இடையே தண்டவாள பகுதியில் 40 வயது மதிக்கத்தக்க ஆண் ஒருவர் இறந்து கிடப்பதாக திண்டுக்கல் ரெயில்வே போலீசாருக்கு தகவல் கிடைத்தது.

அதன்பேரில் சப்-இன்ஸ்பெக்டர் பாஸ்கரன், தனிப்பிரிவு ஏட்டு ராஜேஷ்குமார் மற்றும் போலீசார் விரைந்து சென்று இறந்தவரின் உடலை கைப்பற்றி பிரேத பரிசோதனைக்காக திண்டுக்கல் அரசு மருத்துவமனைக்கு அனுப்பி வைத்தனர். பின்னர் போலீசார் நடத்திய விசாரணையில் மதுரையில் இருந்து திண்டுக்கல் மார்க்கமாக சென்ற ஒரு ரெயிலில் அவர் அடிபட்டு இறந்தது தெரியவந்தது.

ஆனால் அவர் யார்? எந்த ஊரை சேர்ந்தவர்? என்பது தெரியவில்லை. இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.