கணவர் முகத்தில் கத்தியால் கீறிய பெண் கைது

தஞ்சை விளார் சாலையை சேர்ந்தவர் ராஜேஷ் (வயது40). இவருடைய மனைவி மேனகா (38). கணவன், மனைவி இடையே குடும்ப பிரச்சினை இருந்துவந்தது. இதனால் மேனகா தனது கணவரிடம் கோபித்து கொண்டு அன்புநகரில் உள்ள தாய் வீட்டிற்கு சென்றுவிட்டார். இந்தநிலையில் ராஜேஷ் தனது மகளை பார்ப்பதற்காக அன்புநகருக்கு சென்றார். அங்கு கணவன்- மனைவி இடையே மீண்டும் தகராறு ஏற்பட்டது. இந்த தகராறு முற்றியதில் மேனகா வீட்டில் இருந்த கத்தியை எடுத்து வந்து ராஜேஷ் முகத்தில் கீறினார். இதில் படுகாயம் அடைந்த அவர் தஞ்சையில் உள்ள ஒரு தனியார் ஆஸ்பத்திரியில் சிகிச்சை பெற்றார். மேலும் இதுகுறித்து ராஜேஷ் தஞ்சை தெற்கு போலீஸ் நிலையத்தில் புகார் அளித்தார். அதன்பேரில் போலீஸ் சப்-இன்ஸ்பெக்டர் ஜெயந்தி வழக்குப்பதிவு செய்து மேனகாவை கைது செய்தார்.