அந்தியூர் வாரச்சந்தையில் ரூ.3½ லட்சத்துக்கு வெற்றிலை விற்பனை

அந்தியூர்

அந்தியூர் வாரச்சந்தையில் வெற்றிலை விற்பனை நடைபெற்றது. இதற்கு அந்தியூர், அத்தாணி, ஆப்பக்கூடல், காட்டுப்பாளையம், பிரம்மதேசம், வெள்ளையம்பாளையம் உள்பட பல்வேறு பகுதிகளில் இருந்து வந்த விவசாயிகள் வெற்றிலையை விற்பனைக்காக கொண்டு வந்திருந்தனர்.

100 எண்ணிக்கைகள் கொண்ட ராசி வெற்றிலை கட்டு ஒன்று குறைந்தபட்சம் ரூ.80-க்கும், அதிகபட்சம் ரூ.110-க்கும், பீடா வெற்றிலை குறைந்தபட்சம் ரூ.40-க்கும், அதிகபட்சம் ரூ.50-க்கும் என மொத்தம் ரூ.3 லட்சத்து 50 ஆயிரத்துக்கு வெற்றிலை விற்பனை செய்யப்பட்டது. ஈரோடு, பெருந்துறை, திருப்பூர், கோவை, சத்தியமங்கலம், மேட்டுப்பாளையம் ஆகிய பகுதிகளில் இருந்து வந்த வியாபாரிகள் வெற்றிலையை வாங்கிச் சென்றனர்.