மோட்டார் சைக்கிளில் இருந்து தவறி விழுந்து கொத்தனார் பலி

அன்னவாசல் அருகே விசலூர் பகுதியை சேர்ந்தவர் ராஜேந்திரன் (வயது 36). கொத்தனார். இவர், மோட்டார் சைக்கிளில் வேலைக்கு சென்று விட்டு மீண்டும் வீட்டிற்கு வந்து கொண்டிருந்தார். குடுமியான்மலை அடுத்த அண்ணாபண்ணை விவசாய கல்லூரி அருகே வந்தபோது மோட்டார் சைக்கிளில் இருந்து ராஜேந்திரன் எதிர்பாராதவிதமாக தவறி கீழே விழுந்தார். இதில் அவர் படுகாயமடைந்தார். இதையடுத்து அவரை அருகில் உள்ளவர்கள் மீட்டு சிகிச்சைக்காக அன்னவாசல் அரசு மருத்துவமனையில் சேர்த்தனர். அங்கு அவரை பரிசோதனை செய்த டாக்டர்கள் ராஜேந்திரனை ஏற்கனவே இறந்து விட்டதாக தெரிவித்தனர். இதுகுறித்து அன்னவாசல் போலீசார் வழக்குப்பதிவு செய்து விசாரணை நடத்தி வருகின்றனர்.