பாகலூரில் இலவச மருத்துவ முகாம்

ஓசூர்

தமிழ்நாடு முதல்-அமைச்சரின் விரிவான மருத்துவ காப்பீட்டு திட்டத்தின் கீழ், ஓசூர் அருகே பாகலூரில் இலவச மருத்துவ முகாம் நடைபெற்றது. பாகலூர் ஊராட்சி ஒன்றிய தொடக்கப்பள்ளியில், குப்பம் பி.இ.எஸ். மருத்துவமனை சார்பில் நடந்த முகாமை ஊராட்சி தலைவர் ஜெயராமன் குத்து விளக்கேற்றி தொடங்கி வைத்தார். இதில் 500-க்கும் மேற்பட்டோர் கலந்து கொண்டு பரிசோதனை செய்து கொண்டனர். அவர்களுக்கு, டாக்டர் குழுவினர் பரிசோதனைகள் நடத்தி மருந்து, மாத்திரைகள் மற்றும் ஆலோசனைகள் வழங்கினர். இதில் ஒன்றிய கவுன்சிலர் முனிரத்னா முனிராஜ், மருத்துவமனை அலுவலர்கள் உள்பட பலர் கலந்து கொண்டனர்.