மருத்துவ முகாம்

தவுட்டுப்பாளையம் சுற்றுவட்டார பகுதிகளில் ஓலப்பாளையம் அரசு ஆரம்ப சுகாதார நிலையம் சார்பாக மருத்துவ முகாம் நடைபெற்றது. இதையொட்டி செவிலியர்கள் மற்றும் சுகாதார தன்னார்வலர்கள் கொண்ட குழுவினர் அப்பகுதியில் உள்ள ஒவ்வொரு வீடுகளுக்கும் நேரடியாகச் சென்று வீடுகளில் உள்ள முதியவர்கள், பாலூட்டும் தாய்மார்கள், மாற்றுத்திறனாளிகள், நோயாளிகளுக்கு ரத்தப் பரிசோதனை செய்தனர். பின்னர் ரத்தத்தில் சர்க்கரை அளவு, ரத்த அழுத்த அளவு, உடல் பரிசோதனை, தலைவலி, காய்ச்சல், உடல் வலி, சளி, இருமல் உள்ளிட்ட பல்வேறு பரிசோதனைகளை செய்தனர். பின்னர் அவர்களுக்கு தேவையான மருந்து, மாத்திரைகள் வழங்கப்பட்டன.