தூய இருதய ஆண்டவர் ஆலயத்தில் நற்கருணை பவனி

ஊட்டி,

ஊட்டி வண்டிசோலை பகுதியில் நூற்றாண்டு பழமை வாய்ந்த தூய இருதய ஆண்டவர் ஆலயம் உள்ளது. இந்த ஆலயத்தில் இயேசு கிறிஸ்துவின் திருவுடல் திருவிழாவை ஒட்டி, நற்கருணை பவனி ஆசீர்வாத நிகழ்ச்சி நேற்று நடைபெற்றது. ஆலயம் முன்பு 3 அலங்கார மேடைகள் அமைக்கப்பட்டு இருந்தது. ஒவ்வொரு மேடையிலும் பங்கு மக்களுக்கு நற்கருணை ஆசீர்வாதம் வழங்கப்பட்டது. தொடர்ந்து ஆலய வளாகத்தில் நற்கருணை பவனி நடந்தது. முடிவில் பங்கு தந்தை ஜான் ஜோசப் தனிஷ், உதவி பங்கு தந்தை அபிஷேக் சிறப்பு பிரார்த்தனை செய்தனர். இதில் திரளானவர்கள் கலந்துகொண்டனர்.