மினி மாரத்தான் போட்டி

கோவில்பட்டி:

கோவில்பட்டி எஸ்.எஸ். துரைசாமி நாடார்- மாரியம்மாள் கல்லூரி சார்பில் காமராஜர் பிறந்தநாள் விழாவையொட்டி, 6 கிலோ மீட்டர் தூர மினி மாரத்தான் போட்டியை நடத்தியது. கோவில்பட்டி காமராஜர் சிலை முன்பு போட்டியை நாடார் உறவின்முறை சங்க தலைவர் ஏ.பி.கே. பழனிச்செல்வம் தொடங்கி வைத்தார்.

இதனைத் தொடர்ந்து நடந்த பரிசளிப்பு விழாவுக்கு போலீஸ் சப்-இன்ஸ்பெக்டர் சுப்பிரமணியன் தலைமை தாங்கினார். கல்லூரி முதல்வர் செல்வராஜ் முன்னிலை வகித்தார். உடற்கல்வி இயக்குனர் சந்திரன் வரவேற்று பேசினார். வெற்றி பெற்றவர்களுக்கு கல்லூரி செயலாளர் எஸ்.கண்ணன் ரொக்கப் பரிசையும், சான்றிதழ்களையும் வழங்கினார். முடிவில், கல்லூரி கமிட்டி உறுப்பினர் கே.காமராஜ் நன்றி கூறினார்.