பள்ளி மாணவ-மாணவியருக்குமினி மாராத்தான் போட்டி

ஓட்டப்பிடாரம்:

ஓட்டப்பிடாரம் வ.உ.சி விளையாட்டுக் கழகம் சார்பில் வெளியிட்டுள்ள அறிக்கையில் கூறியிருப்பதாவது:- ஓட்டப்பிடாரம் வ.உ.சிதம்பரனார் விளையாட்டுக் கழகத்தின் 35-ம்ஆண்டு விழா மற்றும் பள்ளி மாணவ, மாணவியர்களுக்கான மினி மாராத்தான் போட்டி வருகிற 11-ந்தேதி ஓட்டப்பிடாரம் வ.உ.சிதம்பரனார் அரசு மேல்நிலைப்பள்ளியில் நடக்கிறது. மாணவர்களுக்கு 10 கி.மீ துாரமும், மாணவிகளுக்கு 5 கி.மீ துாரமும் இலக்கு நிர்ணயிக்கப்பட்டுள்ளது. போட்டியில் முதல் 3 இடங்களை பிடிக்கும் பள்ளி மாணவ-மாணவியர்களுக்கு வெள்ளி பரிசு பொருட்களும், 4-ம்இடம் முதல் 10-ம் இடம் வரை பிடிக்கும் மாணவ, மாணவிகளுக்கு சிறப்பு பரிசுகளும் வழங்கப்படுகிறது. போட்டியில் கலந்து கொள்ளும் மாணவ- மாணவியருக்கு தங்கள் படிக்கும் பள்ளியில் தலைமையாசிரியர் கையெப்பமிட்ட தொடர்பு எண் கொண்ட கடிதத்துடன் வருகிற 7-ந்தேதிக்குள் வ.உ.சிதம்பரனார் விளையாட்டுக் கழக இணை செயலாளர் ஓட்டப்பிடாரம் என்ற முகவரியில் பதிவு செய்து கொள்ளவேண்டும், என தெரிவிக்கப்பட்டுள்ளது.