காணாமல் போன முதியவர் குளத்தில் பிணமாக மீட்பு

குன்றாண்டார் கோவில் அருகே வைத்தூரை சேர்ந்தவர் ரெங்கன் (வயது 80). மனநலம் பாதிக்கப்பட்ட வர். தீபாவளி அன்று இரவு வீட்டில் தூங்கிக் கொண்டிருந்தவரை காணவில்லை. பல்வேறு இடங்களில் தேடி பார்த்தும் அவர் கிடைக்கவில்லை. இதுகுறித்து ரெங்கன் மகன் செல்வராசு உடையாளிப்பட்டி போலீஸ் நிலையத்தில் புகார் கொடுத்தார். அதன்பேரில் போலீசார் வழக்குப்பதிவு செய்து ரெங்கனை தேடி வந்தனர். இந்தநிலையில் வைத்தூர் அருகே உள்ள குளத்துக்குள் ரெங்கன் பிணமாக மிதப்பதாக போலீசாருக்கு தகவல் கிடைத்தது. தகவலின் பேரில், போலீசார் அங்கு சென்று உடலை கைப்பற்றி பிரேத பரிசோதனைக்காக புதுக்கோட்டை அரசு மருத்துவமனைக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.