குளித்தலை பகுதியில் மிதமான மழை

குளித்தலை மற்றும் அதனை சுற்றியுள்ள கிராமப் பகுதிகளில் நேற்று வெயில் குறைவாக இருந்தாலும், வெப்பத்தின் தாக்கம் சற்று அதிகமாக இருந்தது. இந்தநிலையில் நேற்று இரவு சுமார் 7 மணிக்கு மேல் காற்றுடன் கூடிய மிதமான மழை பெய்தது. இதனால் சாலை மற்றும் தெருக்களில் ஆங்காங்கே தண்ணீர் தேங்கி நின்றது. சில இடங்களில் மின்சாரம் தடைப்பட்டது. அதுபோல மரக்கிளைகள் ஆங்காங்கே ஒடிந்து விழுந்தன. இந்த மழையால் குளிர்ந்த காற்று வீசியது.