வேன் மோதி தாய்- மகன் படுகாயம்

பாபநாசம்;

பாபநாசம் அருகே வீரமங்கலம் மேலத்தெருவில் வசித்து வருபவர் ராஜலட்சுமி (வயது60). இவரது மகன் நெப்போலியன்(31). சம்பவத்தன்று நெப்போலியன் தனது தாய் ராஜலட்சுமியை கோவிலூரில் உள்ள கோவிலுக்கு மோட்டார் சைக்கிளில் அழைத்து சென்றார். திருக்கருகாவூர் அருகே மெயின் ரோட்டில் ஓரமாக நின்று கொண்டிருந்த போது சாலியமங்கலத்தில் இருந்து பாபநாசம் நோக்கி அதிவேகமாக வந்த வேன் எதிர்பாராத விதமாக ராஜலட்சுமி, நெப்போலியன் மீது மோதியது. இதில் ராஜலட்சுமி, நெப்போலியன் ஆகிய இருவரும் படுகாயம் அடைந்தனர். அவர்கள் தஞ்சாவூர் மருத்துவக் கல்லூரி ஆஸ்பத்திரியில் அனுமதிக்கப்பட்டு சிகிச்சை பெற்று வருகின்றனர்.இது குறித்து பாபநாசம் போலீசார் வழக்குப்பதிவு செய்து வேன் டிரைவர் மதுரை பைக்காரா பகுதியை சேர்ந்த ராஜீவ்பாண்டி (28) என்பவரை கைது செய்து விசாரணை நடத்தி வருகின்றனர்.