கார் மீது மோட்டார் சைக்கிள் மோதி 2 பலி

ராணிப்பேட்டை அருகே கார்மீது மோட்டார்சைக்கிள் மோதியதில் 2 பேர் பரிதாபமாக இறந்தனர்.

2 பேர் பலி

ராணிப்பேட்டை மாவட்டம், ஏகாம்பரநல்லூர் பகுதியை சேர்ந்தவர் பிரபு (வயது 35). வெல்டர். அதே பகுதியை சேர்ந்தவர் சந்திரசேகர் (36). கட்டிட மேஸ்திரி. இவர்கள் இருவரும் மோட்டார் சைக்கிளில் ஏகாம்பரநல்லூர் பகுதியில் இருந்து, லாலாபேட்டை நோக்கி நேற்று முன்தினம் சென்று கொண்டிருந்தனர்.

நுறுக்கம்பாறை அருகே சென்றபோது அங்கி நிறுத்தி வைக்கப்பட்டிருந்த கார் மீது மோட்டார் சைக்கிள் மோதியது. இதில் மோட்டார் சைக்கிளில் சென்ற பிரபு, சந்திரசேகர் ஆகிய இருவரும் சம்பவ இடத்திலேயே பரிதாபமாக இறந்தனர்.

போலீஸ் விசாரணை

இது குறித்து தகவல் அறிந்ததும் சம்பவ இடத்துக்கு விரைந்துவந்த சிப்காட் போலீசார் விபத்தில் இறந்த இருவரின் உடல்களையும் கைப்பற்றி, வாலாஜா அரசு மருத்துவமனைக்கு பிரதே பரிசோதனைக்கு அனுப்பி வைத்தனர்.

மேலும் இந்த விபத்துகுறித்து வழக்குப் பதிவு செய்து விசாரணை நடத்தி வருகின்றனர்.