மோட்டார் சைக்கிள் திருட்டு

பெரியகுளம் அருகே உள்ள மேல்மங்கலத்தை சேர்ந்தவர் தினேஷ் (வயது 31). இவர், பெரியகுளம் அரசு போக்குவரத்து கழக பணிமனையில் கண்டக்டராக பணியாற்றி வருகிறார். கடந்த 26-ந் தேதி இவர், போக்குவரத்து கழக பணிமனை முன்பு மோட்டார்சைக்கிளை நிறுத்திவிட்டு வேலைக்கு சென்றார். பின்னர் திரும்பி வந்தபோது மோட்டார்சைக்கிளை காணவில்லை. இதனால் அதிர்ச்சி அடைந்த அவர் பல்வேறு இடங்களில் தேடியும் மோட்டார்சைக்கிள் கிடைக்கவில்லை. இதையடுத்து அவர் பெரியகுளம் போலீசில் புகார் கொடுத்தார். அதன்பேரில் போலீசார் வழக்குப்பதிவு செய்து மோட்டார்சைக்கிளை திருடிய மர்ம நபரை தேடி வருகின்றனர்.