விழுப்புரத்தில் மோட்டார் சைக்கிள் திருட்டு

விழுப்புரம் சித்தேரிக்கரை பகுதியைச் சேர்ந்தவர் செந்தில்குமார் (வயது 40). இவர் தனது வீட்டின் முன்பு மோட்டார் சைக்கிளை நிறுத்தியிருந்தார். மீண்டும் மறுநாள் காலையில் பார்த்தபோது அந்த மோட்டார் சைக்கிளை காணவில்லை. யாரோ மர்ம நபர், திருடிச்சென்று விட்டது தெரியவந்தது.

இதுகுறித்து அவர், விழுப்புரம் நகர போலீஸ் நிலையத்தில் புகார் செய்தார். அதன்பேரில் போலீசார் வழக்குப்பதிவு செய்து மோட்டார் சைக்கிளை திருடிய மர்ம நபரை வலைவீசி தேடி வருகின்றனர்.