தொழிலாளி மர்ம சாவு; போலீசார் விசாரணை

பந்தலூர்,

பந்தலூர் அருகே எருமாடு பஜாரில் ஆண் பிணம் கிடப்பதாக போலீசாருக்கு தகவல் கிடைத்தது. அதன்பேரில் போலீஸ் சப்-இன்ஸ்பெக்டர் ஜனார்த்தனன் மற்றும் போலீசார் சம்பவ இடத்துக்கு சென்று பார்வையிட்டு விசாரணை நடத்தினர். விசாரணையில் இறந்தது எருமாடு பகுதியை சேர்ந்த கூலித்தொழிலாளி ராஜா என்ற மஜீத் (வயது 48) என்பது தெரியவந்தது.

பின்னர் போலீசார் உடலை கைப்பற்றி பிரேத பரிசோதனைக்காக பந்தலூர் அரசு ஆஸ்பத்திரிக்கு அனுப்பி வைத்தனர். ராஜா மதுபோதையில் இறந்தாரா அல்லது வேறு ஏதேனும் காரணமாக என்பது குறித்து போலீசார் வழக்குப்பதிவு செய்து விசாரணை நடத்தி வருகின்றனர்.