தேசிய மாணவர் படையினர் பேரணி

ஊட்டி,

தேசிய மாணவர் படை (என்.சி.சி.) தினத்தையொட்டி, ஊட்டி அரசு கலைக்கல்லூரியில் என்.சி.சி. சார்பில் பேரணி நடைபெற்றது. கல்லூரியில் இருந்து ஊட்டி தொட்டபெட்டா சந்திப்பு வரை 6 கிலோ மீட்டர் தூரம் தேசிய மாணவர் படை மாணவ-மாணவிகள் மலையேற்ற பயணம் சென்றனர். இதற்கு நீலகிரி 31-வது தேசிய மாணவர் படை தனி அணி அமைப்பின் கமாண்டர் கர்னல் சீனிவாஸ் தலைமை தாங்கினார். முன்னதாக கல்லூரி வளாகத்தில் இருந்து தொடங்கிய பேரணியை கல்லூரி முதல்வர் (பொறுப்பு) எபினேசர் கொடியசைத்து தொடங்கி வைத்தார். கல்லூரியில் இருந்து சேரிங்கிராஸ், மதுவானா, கோடப்பமந்து வழியாக தொட்டபெட்டா சந்திப்பு வரை பேரணி நடைபெற்றது. இதில் கல்லூரி என்.சி.சி. அலுவலர் விஜய், சுபேதார் பத்மநாபன் மற்றும் பேராசிரியர்கள், 80 என்.சி.சி. மாணவர்கள் கலந்து கொண்டனர்.