நாட்டு நலப்பணித்திட்ட சிறப்பு முகாம்

புகழூர் அரசு ஆண்கள் மேல்நிலைப்பள்ளியில் நாட்டு நலப்பணித்திட்ட சிறப்பு முகாம் தொடக்க விழா நடைபெற்றது. இதற்கு பள்ளியின் பெற்றோர் ஆசிரியர் கழகத்தலைவர் நாச்சிமுத்து தலைமை தாங்கினார். பள்ளி தலைமையாசிரியர் சிவசாமி வரவேற்றார். உதவித்தலைமையாசிரியர் விஜயன், என்.சி.சி. அலுவலர் பொன்னுசாமி ஆகியோர் முன்னிலை வகித்தனர். முகாமை புகழூர் நகராட்சித்தலைவர் குணசேகரன் தொடங்கி வைத்து பேசினார். இதில், பள்ளி ஆசிரியர்கள், அலுவலர்கள், மாணவ-மாணவிகள் மற்றும் பலர் கலந்து கொண்டனர். முடிவில் பள்ளி நாட்டு நலப்பணித்திட்ட அலுவலர் யுவராஜா நன்றி கூறினார். இந்த முகாம் நன்செய் புகழூர் ஊராட்சி ஒன்றிய நடுநிலைப்பள்ளியில் வருகிற 25-ந்தேதி வரை பல்வேறு நிகழ்வுகளுடன் நடைபெறுகிறது.