போடி அருகேசுகாதார நிலையத்திற்குள் புகுந்த பாம்பு

போடி அருகே திம்மநாயக்கன்பட்டியில் அரசு ஆரம்ப சுகாதார நிலையம் உள்ளது. இங்கு நேற்று காலை பாம்பு ஒன்று புகுந்தது. இதை கண்ட ஊழியர்கள் அதிர்ச்சி அடைந்தனர். பின்னர் அவர்கள் போடி தீயணைப்பு நிலையத்திற்கு தகவல் கொடுத்தனர். சம்பவ இடத்திற்கு தீயணைப்பு நிலைய அலுவலர் சக்திவேல் தலைமையிலான வீரர்கள் விரைந்து வந்தனர். இதையடுத்து சுமார் ½ மணி நேரம் போராடி அங்கு பதுங்கியிருந்த பாம்பை லாவகமாக பிடித்தனர். அது சுமார் 7 அடி நீளமுள்ள சாரை பாம்பு ஆகும். அதை தீயணைப்பு வீரர்கள் வனப்பகுதியில் விட்டனர்.