கடலூர் அருகே ஆஞ்சநேயா் கோவிலில் திருட்டு

நெல்லிக்குப்பம்,

கடலூர் அடுத்த குமராபுரத்தில் 41 அடி பிரசித்தி பெற்ற ஆஞ்சநேயர் கோவில் உள்ளது. இக்கோவிலில் சிறிய அளவிலான காரிய சித்தி ஆஞ்சநேயருக்கு 150 கிராமில் வெள்ளி பூணூல் அணிவித்து வழிபட்டு வந்தனர். சம்பவத்தன்று சாமிக்கு அணிவித்திருந்த வெள்ளி பூணூலை மர்ம நபர்கள் திருடி சென்று விட்டனர். திருடுபோன பூணூலின் மதிப்பு ரூ.8 ஆயிரம் இருக்கும் என்று கூறப்படுகிறது. இதுகுறித்த புகாரின்பேரில் நெல்லிக்குப்பம் போலீசார் வழக்குப்பதிவு செய்து விசாரணை நடத்தி வருகின்றனர்.