கோவில்பட்டி அருகேபெயிண்டரை தாக்கிய வாலிபர் கைது

கோவில்பட்டி:

கோவில்பட்டியை அடுத்த இனாம் மணியாச்சி பஞ்சாயத்து இந்திரா நகர் 6-வது தெருவை சேர்ந்த மகாலிங்கம் மகன் ஸ்ரீ தீபன் (வயது 20). பெயிண்டர். இவர் சம்பவத்தன்று அதே பகுதியில் நடந்து சென்று கொண்டிருந்தார். அப்போது அவரை 5 பேர் கொண்ட கும்பல் வழிமறித்து தாக்கினராம். இதுகுறித்து தகவல் அறிந்த அவரது தாய் கீதா ஓடி வருவதை பார்த்ததும் அந்த 5 பேரும் தப்பி ஓடிவிட்டனராம். காயமடைந்த ஸ்ரீதீபன் கோவில்பட்டி அரசு ஆஸ்பத்திரியில் சேர்க்கப்பட்டு சிகிச்சை பெற்று வருகிறார்.

இதுகுறித்து கவிதா அளித்த புகாரின் பேரில் மேற்கு போலீசார் வழக்கு பதிவு செய்து, இனாம்மணியாச்சி நடுத்தெருவைச் சேர்ந்த கார்த்திக் மகன் ஆகாஷ் (19) என்பவரை கைது செய்தனர். மேலும் கோவில்பட்டியை சேர்ந்த ராஜபாண்டி உள்பட 4 பேரை போலீசார் தேடி வருகின்றனர்.