முத்தையாபுரம் அருகேவாலிபர் உள்ளிட்ட 2 பேர் மீது தாக்குதல்

தூத்துக்குடி அருகே உள்ள முத்தையாபுரம் சூசை நகரைச் சேர்ந்தவர் தென்னரசு. இவரது மகன் வசந்த் (வயது 22) .இவர் மதுரையில் ஒரு ஓட்டலில் வேலை பார்த்து வருகிறார். நேற்று முன்தினம் மாலையில் வசந்தின், அக்கா குழாயில் தண்ணீர் பிடித்துக் கொண்டிருந்துள்ளார். அங்கு வந்த சூசை நகர் ராஜேந்திரன் மகன் முத்துராஜ், அவரைஅவதூறாக பேசியுள்ளார். இதனைப் பார்த்த அவரது மாமியார் இன்னாசியம்மாள் கண்டித்துள்ளார். முத்துராஜ் அப்படித்தான் பேசுவேன் என்று கூறி அவரையும் அவதூறாக பேசி, கீழே தள்ளி விட்டுள்ளார். அப்போது, வசந்தின் அக்காவும், அவரது கணவரும் இன்னாசியம்மாளை தூக்க முயன்றுள்ளனர். இதில் ஆத்திரமடைந்த முத்துராஜ், அந்த 2பேரையும் தாக்கியுள்ளார். இதை அறிந்து அங்கு வந்த வசந்த், இதுகுறித்து முத்துராஜியம் கேட்டதில் இருவருக்கும் வாக்குவாதம் ஏற்பட்டது. இதில் ஆத்திரம் அடைந்த முத்துராஜூவும், அவரது மகன்கள் பினோ, பின்டோ மற்றும் இனிகோ ஆகியோர் சேர்ந்து வசந்தை கம்பால் தாக்கி கொலை மிரட்டல் விடுத்துவிட்டு அங்கிருந்து தப்பி சென்றனர். இதில் காயம் அடைந்த வசந்தும், அவரது அக்காள் கணவரும் சிகிச்சைக்காக தூத்துக்குடி அரசு ஆஸ்பத்திரியில் சேர்க்கப்பட்டு சிகிச்சை பெற்று வருகின்றனர். இது குறித்த புகாரின் பேரில் முத்தையாபுரம் போலீசார் வழக்கு பதிவு செய்து தலைமறைவாகியுள்ள முத்துராஜ் உள்ளிட்ட 4 பேரை தேடிவருகின்றனர்.