பெரியகுளம் அருகே ஓ.பன்னீர்செல்வத்துடன் நிர்வாகிகள் சந்திப்பு

முன்னாள் முதல்-அமைச்சர் ஓ.பன்னீர்செல்வம் ஒவ்வொரு மாவட்டத்திற்கும் புதிய நிர்வாகிகளை அறிவித்து வருகிறார். இந்நிலையில் நேற்று முன்தினம் தேனி மாவட்டம் பெரியகுளம் அருகே கைலாசப்பட்டியில் உள்ள பண்ணை வீட்டில் திருப்பூர் மாவட்டத்தை சேர்ந்த நிர்வாகிகளுடன் ஓ.பன்னீர்செல்வம் ஆலோசனை நடத்தினார். இதனை தொடர்ந்து நேற்று பண்ணை வீட்டில் ராமநாதபுரம் மாவட்டத்தில் இருந்து தர்மர் எம்.பி. தலைமையில் வந்த புதிய நிர்வாகிகள், ஈரோடு புறநகர் மேற்கு மாவட்ட புதிய நிர்வாகிகள், ஓ.பன்னீர்செல்வத்தை சந்தித்து ஆதரவு தெரிவித்து வாழ்த்து பெற்றனர். இதனைத் தொடர்ந்து ஓ.பன்னீர்செல்வம் புதிய நிர்வாகிகளுடன் ஆலோசனை நடத்தினார்.