புதுக்கோட்டை அருகே பணம் கேட்டு மிரட்டிய 2 பேர் கைது

தூத்துக்குடி அருகே உள்ள புதுக்கோட்டை போலீஸ் இன்ஸ்பெக்டர் வின்சென்ட் அன்பரசி தலைமையில் சப்-இன்ஸ்பெக்டர் முத்துவீரப்பன் மற்றும் போலீசார் ரோந்து பணியில் ஈடுபட்டு இருந்தனர். அப்போது, மறவன்மடம் பஸ் நிறுத்தம் அருகே சந்தேகப்படும்படியாக நின்று கொண்டு இருந்தவர்களை பிடித்து விசாரணை நடத்தினர். விசாரணையில், அவர்கள் மறவன்மடத்தை சேர்ந்த சண்முகவேல் மகன் நகுர்பாண்டி (21), பழையகாயல் கச்சேரி தெருவை சேர்ந்த சின்னத்துரை மகன் ரெங்கராஜ் (22) என்பதும் தெரியவந்தது. இவர்கள் அந்த பகுதியில் வந்த ஒருவரை வழிமறித்து பணம் கேட்டு மிரட்டியதும் தெரியவந்தது.

உடனடியாக போலீசார் நகுர்பாண்டி, ரெங்கராஜ் ஆகிய 2 பேரையும் கைது செய்தனர். இதுகுறித்து புதுக்கோட்டை போலீசார் வழக்கு பதிவு செய்து விசாரணை நடத்தி வருகின்றனர்.