தாளவாடி அருகேமாடுமேய்த்து கொண்டு இருந்த பெண்ணிடம் நகை பறிப்பு

தாளவாடி

தாளவாடி அடுத்த அருள்வாடி கிராமத்தை சேர்ந்தவர் சிக்குராஜன். இவருடைய மனைவி பசம்மா (வயது 55). இவர் நேற்று முன்தினம் அங்குள்ள மாதேஸ்வரன் கோவில் அருகே மாடு மேய்த்துக் கொண்டிருந்தார். அப்போது அந்த வழியாக மோட்டார் சைக்கிளில் வந்த 2 பேர் பசம்மாவிடம் நெருங்கி நைசாக பேச்சு கொடுத்தனர். அப்போது அதில் ஒருவன் திடீரென பசம்மாவின் கழுத்தில் இருந்த 1¼ பவுன் தங்க சங்கிலியை வெடுக்கென பறித்தான். பின்னர் 2 பேரும் மோட்டார்சைக்கிளில் தப்பிச்சென்றுவிட்டனர். இதுகுறித்து பசம்மா தாளவாடி போலீசில் புகார் அளித்தார். அதன்பேரில் போலீசார் வழக்குப்பதிவு செய்து, பசம்மாவிடம் நகை பறித்து சென்ற 2 பேரையும் வலைவீசி தேடி வருகின்றனர்.