தேனி அல்லிநகரம் அருகேசாலையோரம் கிடந்த ஆண் பிணம்

தேனி அல்லிநகரத்தை அடுத்துள்ள தென்னந்தோப்பு அருகே சாலையோரம் சுமார் 55 வயது மதிக்கத்தக்க ஆண் பிணம் கிடந்தது. இதை அந்த வழியாக சென்ற பொதுமக்கள் பார்த்து அல்லிநகரம் போலீசுக்கு தகவல் கொடுத்தனர். அதன்பேரில் போலீசார் சம்பவ இடத்திற்கு விரைந்தனர். பின்னர் உடலை கைப்பற்றி பிரேத பரிசோதனைக்காக தேனி அரசு மருத்துவ கல்லூரி மருத்துவமனைக்கு அனுப்பி வைத்தனர். இதுகுறித்து வட வீரநாயக்கன்பட்டி கிராம நிர்வாக அலுவலர் குமார் போலீசில் புகார் கொடுத்தார். அதன்பேரில் போலீசார் வழக்குப்பதிவு செய்து அவர் எப்படி இறந்தார் என்பது குறித்து விசாரணை நடத்தி வருகின்றனர்.