தேனி அருகேபெரியப்பாவை தாக்கிய வாலிபர் மீது வழக்கு

தேனி அருகே கோடாங்கிபட்டி சடையால் கோவில் தெருவை சேர்ந்தவர் நாகராஜ் (வயது 65). அதே பகுதியில் அவருடைய தம்பி வனராஜ் குடும்பத்தினர் மளிகை கடை நடத்தி வருகின்றனர். நாகராஜூம் புதிதாக கடை அமைக்க கட்டுமானப் பணிகள் மேற்கொண்டார். இதனால் அவரிடம் வனராஜ் மகன் சிவராஜ் (21) தகராறு செய்து அவரை தாக்கினார். இதில் காயம் அடைந்த அவர் சிகிச்சைக்காக தேனி அரசு மருத்துவ கல்லூரி ஆஸ்பத்திரியில் அனுமதிக்கப்பட்டார். அவர் கொடுத்த புகாரின் பேரில் சிவராஜ் மீது பழனிசெட்டிபட்டி போலீசார் வழக்குப்பதிவு செய்து விசாரணை நடத்தி வருகின்றனர்.