தேனி அருகே மோட்டார்சைக்கிள் மோதி முன்னாள் ராணுவ வீரர் படுகாயம்

தேனி என்.ஆர்.டி நகரை சேர்ந்தவர் அய்யாகண்ணு (வயது 72). ஓய்வு பெற்ற ராணுவ வீரர். நேற்று மாலை இவர், பழனிசெட்டிபட்டியில் தேனி-மதுரை ரோட்டில் விருந்தினர் மாளிகை முன்பு நடந்து சென்று கொண்டிருந்தார். அப்போது பழனிசெட்டிபட்டியை சேர்ந்த சந்திரன் (44) என்பவர் ஓட்டி வந்த மோட்டார் சைக்கிள் அவர் மீது மோதியது. இதில் தூக்கி வீசப்பட்ட அவர் படுகாயம் அடைந்தார். இதையடுத்து அக்கம்பக்கத்தினர் அவரை மீட்டு சிகிச்சைக்காக தேனி அரசு மருத்துவ கல்லூரி மருத்துவமனையில் சேர்த்தனர். இதுகுறித்து பழனிசெட்டிபட்டி போலீசார் வழக்குப்பதிவு செய்து விசாரணை நடத்தி வருகின்றனர்.