தேனி அருகேதூக்குப்போட்டு பெண் தற்கொலை

தேனியை அடுத்த பழனிசெட்டிபட்டி விஜயலட்சுமி நகரை சேர்ந்தவர் பைஜீ. இவர் மலேசியாவில் ஒரு தனியார் நிறுவனத்தில் வேலை பார்த்து வருகிறார். இவருடைய மனைவி பாமாராணி (வயது 40). இவர்களுக்கு 2 மகன்கள் உள்ளனர். பாமாராணி உடல் நலக்குறைவால் சிகிச்சை பெற்று வந்ததாக கூறப்படுகிறது. இந்நிலையில் நேற்று முன்தினம் அவர் தனது வீட்டில் தூக்குப்போட்டு தற்கொலை செய்தார். தகவல் அறிந்ததும் பழனிசெட்டிபட்டி போலீசார் அங்கு சென்று உடலை கைப்பற்றி பிரேத பரிசோதனைக்காக தேனி அரசு மருத்துவ கல்லூரி ஆஸ்பத்திரிக்கு அனுப்பி வைத்தனர். மேலும் போலீசார் வழக்குப்பதிவு செய்து விசாரணை நடத்தி வருகின்றனர்.