தூத்துக்குடி அருகேமினிவேன் மோதி மூதாட்டி சாவு

தூத்துக்குடி அருகே உள்ள சிவகளை பரும்பு பகுதியை சேர்ந்தவர் அருணாசலம். இவருடைய மனைவி ராமலட்சுமி (வயது 75). இவர் அமைப்புசாரா தொழிலாளர் பென்சன் பெற்று வந்தாராம். நேற்று முன்தினம் தூத்துக்குடி-நெல்லை மெயின்ரோட்டில் உள்ள அமைப்புசாரா தொழிலாளர் அலுவலகத்தில் பென்சனை புதுப்பிப்பதற்காக சென்றாராம். அப்போது, அவர் மெயின் ரோட்டை கடக்க முயன்று உள்ளார். அதே நேரத்தில் அந்த வழியாக வந்த மினிவேன் ராமலட்சுமி மீது மோதியது. இதில் பலத்த காயம் அடைந்த ராமலட்சுமி சிகிச்சைக்காக தூத்துக்குடி அரசு ஆஸ்பத்திரியில் சேர்க்கப்பட்டார். அங்கு சிகிச்சை பலன் அளிக்காமல் பரிதாபமாக இறந்தார்.

இது குறித்த புகாரின் பேரில் புதுக்கோட்டை போலீசார் வழக்கு பதிவு செய்து விசாரணை நடத்தி வருகின்றனர்.