தூத்துக்குடி அருகே டிப்பர் லாரி மோதி தொழிலாளி பலி

ஸ்பிக் நகர்:

தூத்துக்குடி சிவந்தாகுளம் பகுதியை சேர்ந்தவர் கருப்பசாமி.

இவரது மகன் சிவசுப்பிரமணியன் (வயது 50). தொழிலாளி. இவர் நேற்று முத்தையாபுரம் பகுதியில் இருந்து தூத்துக்குடி நோக்கி மோட்டார் சைக்கிளில் சென்று கொண்டிருந்தார். உப்பாற்று ஓடை ரவுண்டானா அருகே சென்ற போது துறைமுகத்திலிருந்து வந்த டிப்பர் லாரி இவரது மோட்டார் சைக்கிள் மீது மோதியது. இதில் மோட்டார் சைக்கிளில் இருந்து தூக்கி வீசப்பட்டுபலத்த காயம் அடைந்த அவர் சம்பவ இடத்திலேயே ரத்தவெள்ளத்தில் பரிதாபமாக உயிரிழந்தார். இது குறித்து தகவல் அறிந்த முத்தையாபுரம் போலீசார் சம்பவ இடத்துக்கு விரைந்து சென்று அவரது உடலை கைப்பற்றி, பிரேத பரிசோதனைக்காக தூத்துக்குடி அரசு ஆஸ்பத்திரிக்கு அனுப்பி வைத்தனர். மேலும் இதுகுறித்து போலீசார் வழக்கு பதிவு செய்து விசாரணை நடத்தி வருகின்றனர்.